Loftslagsmaraþon í fyrsta sinn á Íslandi!

13.10.2017

Hefurðu áhuga á loftslagsmálum og langar að leggja þitt af mörkum? Taktu þátt í sólarhringshakki um loftslagsmál 27. október nk. í Matís (3. hæð). Climathon/loftslagsmaraþon er sólarhringsáskorun um nýsköpun í loftslagsmálum sem haldin er samtímis í 237 borgum um allan heim. Unnið verður hörðum höndum í 24 klst. að útfæra nýjar hugmyndir til að draga úr losun gróðurhúsalofttegunda og aðra loftmengun. Dómnefnd velur bestu lausnirnar og veitir verðlaun.

Loftslagsmaraþon er samkeppni sem er öllum opin. Fólk getur skráð sig sem einstaklingar, hópar, nemendur, frumkvöðlar og allir sem láta sig loftslagsmál varða. Rafmagnað andrúmsloft, hollur matur, innblásnar vinnustofur, hópumræður, afslappað andrúmsloft og svefnkrókar og fjölda óvæntra uppákoma bíður þeirra sem taka þátt. Dagur B. Eggertsson setur loftslagsmaraþonið af stað með hvatningarræðu klukkan 13:00 þann 27. október.

Viðburðurinn á Facebook

Skráðu þig til leiks hér: https://climathon.climate-kic.org/reykjavik

Hlökkum til að sjá þig! 


Fréttir


Tengiliður