Verðmæti úr hliðarafurðum slátrunar og kjötvinnslu

Verkefnið er um að auka verðmæti og gjaldeyristekjur úr hliðarafurðum slátrunar- og kjötvinnslu Kaupfélags Skagfirðinga. Tæknilegt markmið þess er  finna, aðlaga og þróa vinnsluaðferðir sem breyta hliðarafurðum úr ódýrum mannamat, fóðri og úrgangi  í dýrar sérvörur sem seldar verða til viðskiptavina í öðrum löndum.   Markmið í rannsóknum og menntun er að taka þátt í og efla klasasamstarf og stuðla að þjálfun ungra vísindamanna í Verinu á Sauðárkróki.  Verkefnið er um þróun á vörum úr görnum og vömbum, bætta nýtingu á blóði og innmat. Seint á árinu verður frostþurrkun á líffærum til lyfja- og lífefnaframleiðslu prófuð. Þess er vænst að við lok verkefnisins muni KS fá umtalsverðar tekjur  af útflutningi afurða úr hliðarafurðum slátrunar- og kjötvinnslu.

Til baka í öll verkefni